"Километри 100-р сыхьат 24-кIэ" зекIор Адыгэ Республикэм щырекIокIыгъ

2022-рэ илъэсым, гъэтхапэм и 26-м щегъэжьагъэу и 27-м нэс, гъогуонэ гъэнэфагъэ къэкIугъэнымкIэ зэнэкъокъоу «Километри 100-р сыхьат 24-кIэ» зыфиIорэр Мыекъопэ шъолъырым щырекIокIыгъ. Мыгъэ я 20-рэу Адыгэ Республикэм ар щызэхащагъ.

Адыгэ автоном хэкур загъэ­псыгъэр илъэси 100 зэрэхъурэм ехъулIэу «Тызэгъусэу илъэс 20-м» зыфиIорэр иджэпсалъэу ар рекIокIыгъ. 

Урысые Федерацием ишъо­лъыр 12-мэ къарыкIыгъэ нэбгырэ 300 хэлэжьагъ. Ахэр Адыгеим, Пшызэ ыкIи Ростов шъолъырхэм, Москва, Липецкэ, Саратовскэ, Воронежскэ, Астраханскэ хэку­хэм ыкIи нэмыкIхэм къарыкIыгъэ спортсменых. Псыхъом ытхьэлэрэ зекIор къыгъэнэжьзэ зищыIэныгъэ зытыгъэу, зекIонымкIэ инструкторэу Хьамырзэ Рэмэзан я 9-рэ илъэс хъугъэу ишIэжь ар фагъэхьы.




Comments