Мыекъуапэ дэт сурэт галереер къызэIуа­хыжьыгъ

Адыгэ Республикэр илъэси 100 зыщыхъурэм ехъулIэу сурэт галереер Мыекъуапэ щагъэцэкIэжьыгъ. МэфэкI шIыкIэм тетэу ар къызэIуа­хыжьыгъ.

Къэгъэлъэгъоным ихьакIэ лъапIэхэм зэу ащыщыгъ Адыгэ Республикэм и ЛIышъхьэу Къум­пIыл Мурат. 

ХьакIэхэм экспозициехэм нэIуасэ зафашIыгъ, гъэцэкIэ­жьын IофшIэнхэм кIэухэу афэ­хъугъэхэм защагъэгъозагъ. Ащ паекIэ федеральнэ, республикэ бюджетхэм сомэ миллион 11,4-рэ фэдиз къахагъэкIыгъагъ.

Адыгеим сурэтхэмкIэ игалерее ипащэу Бырсыр Абдулахь Адыгэ Республикэм и ЛIышъхьэ тхьауегъэпсэу риIуагъ гъэцэ­кIэ­жьынхэмкIэ IэпыIэгъу къызэра­фэхъугъэм фэшI. 1980-рэ илъэ­сым къызэIуахыгъэ галереем апэрэу зэхъокIыныгъэшхохэр фашIыгъэх, джырэ шапхъэхэм ар адештэ.

Адыгэ Республикэм и ЛIы­шъхьэ зэрэхигъэунэфыкIыгъэмкIэ, къэгъэлъэгъоныр къызэ­рэзэIуахыгъэмрэ республикэр илъэси 100 зыщыхъурэм фэ­гъэхьыгъэ Iофтхьабзэу зэрахьащтхэмрэ республикэм исхэм ятворческэ кIуачIэ зыкъызэ­IуегъэхыгъэнымкIэ мэхьанэшхо яI.

Къызхэтхыгъэр:
Адыгэ Республикэм и ЛIышъхьэ ипресс-къулыкъу
Сурэтхэр А. Гусевым тыри­хыгъэх.











Comments