Экономикэм ихэхъоныгъэкlэ ыкlи сатыумкlэ республикэм иминистерствэ къызэритырэмкlэ, Адыгеим исатыушlэхэу мэкъумэщым щылажьэхэрэр дунэе къэгъэлъэгъонэу Саудие Аравием щызэхащэщтым хэлэжьэнхэ алъэкlыщт.
- Къэгъэлъэгъонхэм зэхэлажьэхэкlэ мылъкоу тырагъэкlуадэрэм щыщ сатыушlэхэм аратыжьынэу амал яl, ар lахь зэхэлъ зэхахьэу "Урысые lэкlыб щэн гупчэр" зыфиlорэм ишlуагъэкlэ ары. Шlоигъоныгъэ зиlэхэм ятхылъхэр мэкъуогъум и 20 нэс аштэщтых, - къыщаlотагъ мы къулыкъум.
Мэкъумэщ хъызмэтымкlэ дунэе къэгъэлъэгъонэу «Saudi Agriculture 2021» (saudi-agriculture) 2021 илъэсым чъэпыогъум и 18 щегъэжьагъэу и 21 нэс Саудие Аравием (къ. Эр-Рияд) щыкlощт. Тыкъэзыуцухьэрэ дунаимкlэ, псыхэмкlэ ыкlи мэкъумэщ хъызмэтымкlэ пачъыхьэгъоу Саудие Аравием иминистерствэхэм ащ изэхэщэн анаlэ тетыщт.
Comments
Post a Comment